Emy
بحار مبتدئ
عدد الرسائل : 36
العمر : 33
تاريخ التسجيل : 12/08/2008
 |  موضوع: funny........##  الأربعاء أغسطس 13, 2008 2:30 am | |
|
مرة عشر أغبياء ماشين ورا بعض ..وقعوا فى حفرة واحده00
********************************
مأذون مش لاقى شغل...طلق مراته00
********************************
واحد كهربائى اتجوز أربعة...جابلهم مشترك00
*******************************
ثلاث تلاميذ محششين تاخروا عن الحصة الاولى قال لهم المدرس كنتوا فين؟
قال الاول ضاع الخاتم بتاعي
ورد التاني كنت بدور معاه
وقال الثالث انا كنت واقف على الخاتم00
********************************
مدرس رياضيات تزوج وحدة صايعة خلفوا ولد شبه منحرف00
********************************
واحد رخم عرف ان الأموات بتحس وتسمع اللى حواليها راح عند المقابر وشغل
الكاسيت على العالى على اغنية(الحياة حلوة)00
********************************
مسطول راح المحكمة,القاضى بيسأله انت متجوز مين؟قاله:متجوز واحدة ست,
القاضى قاله انت هتهرج؟أمال فى حد بيتجوز راجل؟
,قاله:اه اختى00
********************************
واحد باشا دار عليه الزمن وافتقر حب يشتغل, إشتغل بياع فجل وجرجير
طول النهار واقف فى السوق ولابس طربوش وبينادي: فجل يا حوش .. جرجير يا كلاب
00
********************************
مرة واحد سافر الكويت لقى الاسامى( بوحمد) و (بو فهد) و( بو محمد) و (بو فيراس)
راح سمى نفسه( بوكيمون)00
********************************
ان الرعيل الأول من الليبرالية أضفى سيكولوجية تستوجب الوقوف عند
حد معين الزامي لما يصبوه التحرر من براثن التقيد بكل ما هو منبثق
عن حب الذات ... المهم , أنا لقيت بتاع البانجو , أجيبلك معايا؟00
********************************
واحد أسمه نادر أتجوز واحده اسمها فريدة , خلفوا عيل( مهدد بالأنقراااااااااض)00
********************************
سألو واحد بخيل طحن: تعمل ايه لو الدنيا برد؟
قال: أروح للدفاية.
قالو: ولو الدنيا بردت أكتر؟
قال:أقرب من الدفاية.
قالو: ولو بردت أكتر؟
قال: ألزق في الدفاية.
قالو: طب ولو نزل تلج؟
قال: أشغل الدفاية بقى وأمري لله00
********************************
واحد محشش راح يخطب واحده ..
ابوها قاله:" انا عليا الشقة.."
رد عليه وقاله :" وانا عليا البنات والبيره 00
********************************
مرة واحد كان سايق عربية كارو.. وقفته نقطة مرور
قالت له, معاك ايه؟
قال, كتاكيت..
قالو, بتأكلهم ايه؟
قال, علف ..
قاله, يامغفل أكلهم جاتوه و تورته
قابلته نقطة مرور ثانية قالو, بتأكلهم ايه؟
قالو, جاتوه و تورته..
قاله, يامغفل أكلهم علف...
قابلته نقطة مرور ثالثة
قاله بتأكلهم ايه؟
قاله, اسمع ياباشا انا بدي كل واحد مصروفه يشتري الي هو عايزه00
********************************
مره واحد مسطول فتح محل سماه (نجارة الاقمشة الكهربائية لصناعة الاحذيه
الطازجة)00
********************************
اربعه صعايدة راحو محطة مصر فشافو القطر طلع قعدو يجرو يجرو يجرو لحد لما تلاتة
حصلوه وواحد بس ملحقش بس كان بيضحك اوى اوى
سالوه انت ليه بتضحك, قالهم :اصلهم كانو جايين يوصلونى00
********************************
مرة ديناصور بيقول لديناصورة, اديني بوسه
قالتله ,لأ عيب
قالها , ما احنا عشان كدة انقلرضنا00
| |
|
قلبى بيرتحلك
بحار جديد
عدد الرسائل : 2
العمر : 37
تاريخ التسجيل : 13/08/2008
| | موضوع: رد: funny........## الأربعاء أغسطس 13, 2008 11:15 pm | |
| | |
|
